Ette tulli Mari Mägi Karaskist man saisis Kaarli Mägi ja kaibas et Jaan Seewri Karaskist om 1. Weebruar. s.a. teda ilmsüüta ta häbemata moodu teotanu ja pesnu edimalt om laudan maha löönu ja habendega suud hõõrdnu ja kisknu paljas, appi tänitamise pääle lasknu üles, perast om külmanu pangi wanguga päha pesnu ja löönu lehma ruht wasta ja ütelnu mina sino kuradi litsile ei jätta ja löönu kolmat kõrd maha ja pesnu rusikidega kõigest jõust päha, kaibaja ei ole midagi teednu kui üles tulnu ja suust tulnu weri wälja tunnistaja kes pesmist ja teotamist nännu Johan Weltmann Karaskist ja peremeest Aadam Treffner Karaskist om werd nännu.

Pääkohtumees Tanil Wõso kohtumees Johan Rocht ja Johan Ratnik omma kaibajat üle kaenu. Mari Mägi nõudse 25 rbl. rohu raha ja et Jaan Seewri karistedus saas.

Ette kutsuti Jaan Seewri kes wastas et tüdruk Mari Mägi om isi temaga hullama tulnu jatemale lüwwa tahtnu habendega om nalja perast küll hõõrdnu suud, paljas es ole kisknu ega temale, kaibajale, löönu.

Johan Weltmann 15 aastane tunnist Mari Mägi kaibust sõnalt õiges.

Aadam Treffner tunnist et Mari Mägi suu ja nina olnu küll werine ja ninast werd joosknu weel tare man kolm päiwa olnu maan haige.

Pääkohtumees Tanil Wõso kohtumees Johan Rocht ja Johan Ratnik tunnistawa et Mari Mägi suu olnu ära kriipsit.

Otsus: Et tunnistuse selge et Mari Mägi pestu om ja Jaan Seewri esi ka ütles et ta wiimse suud habendega hõõrdnu om arwati wiimesel 8 rbl. walu raha edimatsele ja 2 rubl. trahwi wallawaeste kassa massa.

Mõisteti et Jaan Seewri peab see 8 rbl. Mari Mägile ja 2 rbl. trahwi walla waeste kassa ära masma neljan nädalin.

Mõistmine ja § 773 ja 774 om ette kuulutet.

Jaan Seewri es ole rahule, suuremba kohtu käümine om lubatu.

1894 a 24 Märtsil Mari Mägi abielumehe Johan Tartule ära kiri Nr 165 all wälja antud  eesistuja /allkiri/