Mõtsawaht Otto Adamson kaibas, et Jaan Erik om teda trotsnu ja sõimanu, kõigilde, et tema om üts hat ja om Mõttuse mõtsa är müünu Rogosi meestele ja nüüd nõud tema, et Jaan Erik saas sääduslikult trahwitus.

Jaan Erik wastud kaibuse pääle, et tema ei ole küll mitte Otto Adamsoni sõimanu ent Otto Adamson om küll teda sõimanu, ja selle mõtsa perrast om tema küll üttelnu et enne kui Adamson sinna tulli, olli se mõts terwe olnu.

Tema and well üles et tema om 73 aastad wana ja palles nüüd et kogokonna kohus teda rahule jättasi, et tema om rumalust seda wist kõnnelnu.

Mõistus:

"Et Jaan Erik jo nii wana om ja tema wist rumalusest om kõnelnu sis se kaibus tühjas arwatu ja tema ilma trahwida jättedu."

Se kohtu otsus om §773 ja 774 perra kuulutedu ja oppus leht wälja antu.

Pääkohtumees K. Lõhmus [allkiri]

Kohtumees T. Pild [allkiri]

Kohtumees Jaan Oppar XXX

Kirj. asemel R. Normann