Kahkwa kog. kohtu een sel 8 januar 1868

Kaiwas Josep Lepson, et Räppinalt Jaan Urgawa om temma kolkmata linu ööse warrastanu ja Päppina walda winu.

Ette tulli Räppina mees Jaan Urgawa ja ütel kül õige ollewad, et temma om öse Josep Lepsoni poolt linu winu 13 kubbu. Ent Hans Parmow om tedda kutsnu ja ütelnu henda linnad ollewad.

Kohhus mõist, et Jaan Urgawa peab Josep Lepsonile 5 rbl masma, see eest et ööse om lännu Josepi linnu wargile ja ka Josep ei tija kui palju nema temma linnu oma ärra winu ja se rahha peab näddali perrast ärra masma.

M. Musting
J. Lepland
 

J. Sepp