Sellsamal päiwal 5. April 1885

Man olliwa neesama.

Ette tulli Jakob Palloson Warbusest ja kaibas et Jakob Uibo Karaskin om tema naise Ann Palloson käest selle I abielost  sündinu poja Johan Hõlst 15 aastane ilma tema  /Jakob Palloson/ teedmata teenma kaubelnu aasta pääle; seesama pois om juba mööda lännu  aastal kaibatawa man karjan olnu, ent om mittu kõrd pessa saanu Jakob Uibo, tema naise ja poja Jaan Uibo käest selle ei woi teenistu anda. Kaibaja palles seda lepingut tühjas tetta.

Ette kutsuti Jakob Uibo kes wastut et poisi ema om küll ilma meheta lepingu tennu, ent tema nõuab et pois lepitu aja /2 Weebr. 1885 kuni 2 Weebruar 1886/ ära teenib.

Otsus:

Et selge et selle teenistu lepingo naine ilma meheta tennu, arwati see leping tühjas ja

Mõisteti    Johan Hõlst Jakob Uibo mant teenistusest prii.

Mõistmine ja § 773 ja 774 om ette kuulutet. 

Jakob Uibo ei ole rahul, suuremba kohtu käümine om lubatu ja opetuse kiri wälja antu 12. April. 1885.