Tulli selle kohto ette Jaan Paddar nink palleb Perrismapiddajad Friedrich Tarraskit ke Moisa asja perrast siin kohtu man olli, andke minnole andis et minna teije mand ärra lätsin enne minno leppitut tenistusse aija, nink maske olge ni hä minnole se aijasta palk ärra egga teije sest rikkast ei sa kui teije minnole masmatta jättate.

Selle päle wastot Perrismapiddaja F. Tarrask kohto een Jaan Paddar käwwe jo enne Mustal nink lubbas ommast palgast selle kohto ladike trahwist jätta kui minna F. Tarrask peas lepma, Johann Pödder nink Jaan Tik kulden. Jaan Paddar tahtse minno nida petta kui temma Zea Peepu Maija Kontrahtiga petse, sest temma Rentse minno maija nink arwas et minna tälle ni kui Zea Peep, kui Maija es tahha ennamb anda, kontrahti eest olles massnu, nink perrast es jõwwa minno Maija piddada nink leie minno mannu sullasest 4 aijastast ja joske ärra nink es teni ja nüüd pean minna lepma sarassega.

Jaan Paddar pallel weel F Tarraskit et kik ärra unnedada nink temmaga ärra leppis nink kui ka mitte Pärahha F. Tarrask es massas sis palk ärra massas.

Perrismapiddaja F. Tarrask lepse Jaan Paddariga ärra nink masse Palk selle kohto een Jaan Paddarille wälja. Jaan Paddar lubbas essi se aasta Pärahha ärra massa, weel pallel Jaan Paddar sedda Kohhut, et se Kohhus Keiserlikko kihhelkonna kohhut palles et minna (Jaan Paddar) omma kaibust Perrismapiddaja F. Tarraski päle Palga nõudmisse perrast taggasi lubbas.

Päkohtomehhe assemel Kohtumees Jaan Luk <allkiri>

abbi Jaan Peetsu XXX

abbi Daniel Tens XXX

Koggokonna kohtukjirjotaja P Anderson <allkiri>