Kahkwa kog. kohtu een sel 3 Junil 1868.

Kaiwassiwa Jakob Lepland ja Peeb Lepman, et emma om sel 1864 aastal Peter Kübbarale Wõrrol nekruti andmise man rahha lainanu ülle katte 10 Rubla ja nüüd ei olle nemma sedda rahha weel kostke taggasi mastus saanu.

Ette tulli Peter Kübbar ja ütel, et tema om sedda rahha ladiku paknu panda ent nüüd ei tija temma kos se rahha om jäänu.

Kohtumees Rein Oinberg üttel, et tema selgeste mälletab, et se kõrd pääle nekruti andmise om rehnungi ülle se rahha wäljaminneki ja sisse tulleki tettu ja päkohtumehhel Peter Kübbara om rahha ülle jäänu, mes pääle mõisa wallitseja A. Z. om ütelnu, Peter tulleta weel meelde kost se rahha om tullu, ent Peter ei olle mitte ütelnu, et temmal J. Leplandi ja P. Lepmani käest lainatu olli, nink om ütelnu wõib olla waist om mul omma rahha sinna sekka saanu. Sis om se ülle jäänu rahha P. Kübbara kätte jäänu. Ja mõnne aja perrast om J. Lepland ja P. Lepman ütelnuwa, et nemma om Peter Kübbarale Wõrrol rahha lainanu. Ja et Jakob Lepland ja Peep Lepman essi ka kohtumehhed olliwad perran P. Kübbard sis om ütelnuwa, et kui P. Kübbar tulleb henda pärahha masma, sis wõttawad nemmad omma rahha päält ärra, et konagi ei olle ni kandunu, et se rahha olles saanu Petre pärahhast ärra wõedus.

Kohtumees Michel Musting ütel ka ni õige ollewat kui Rein Oinberg jo kõnnelnu om.

Jakob Lepland ja Peep Lepman ütliwa, et nemma om ka kaiwanu ent ei olle saanu konnagi kohtu ette kutsutus.

Kohhus mõist, et wanna kohtumehhed Michel Musting ja Rein Oinberg ja Jakob Lepland ja Peep Lepman peawa egga üts, üts Rubla sest rahhast masma, se om ülle nelja kohtumehhe 4 Rbl se eest, et ei olle asja ennemba ärra selletanu ja et Rein Oinberg ja Michel Musting  tunistawad, et sel ülle jäänu rahha om Peter Kübbara kätte jäänu peab Peter Kübbar 6 Rubla masma ni, et ülle keige se lainatu rahha 10 Rbl kokko tulleb.

Päkohtumees Jaan Räman

Abbi Peter Urgard

Abbi Jakob Parmson