Kahkwa kog. kohtu een sel 3 Junil 1868.

Kaiwas Daniel Berg, et Mikka Hamkowi wäär naine Marja om kolmapäiw temma kopli tullu ja säält haina põimnu. D. Berg om zirpi käest ärra wõtnu, sis om naine ärra lännu ja pääle se jälle taggasi tullu ja jälle põimnu, sis om Mikka Hamkow tullu ja ütelnu, et temma om käsknu naisel põima. D. Berg om ütelnu: se om minnu ja minna pean se eest wastutama, sis om Mikka põksit mahha ajanu ja D. Bergile perst näidanu ja ka D. Bergi abbikasat om teodanu, et om pennega latsi tennu.

Sel 1 Julil.

Ette tulli Mikka Hamkow ja ütel, et tema naine ei olle mitte koplist haina põimnu, om ennegi nõggese puhma põimnu ja se pääle om temma kül D. Bergile perst lakku andnu, et D. Berg olles ütelnu: minnu kult kannab ka ni samma meddalit kui sina. Ja D. Bergi naist ei olle temma mitte nännu nink ei olle pennest middagi kõnnelnu.

Tunnistaja Saara Waaks ütel, et temma om kulu kui Mikka Hamkow om D. Bergi naist sõimanu, et D. Bergi naine om Orrawa mõisan pennega latsi tennu ja om ka koplist hainu põimnu.

Kohhus mõist Mikka Hamkow peab D. Bergile se teodamise eest 3 Rubla masma, et D. Bergi krundil ellab ja tohhib weel sõimata.

Jaan Rämman

P. Urgand

Jakob Parmson