Kahkwal sel 8 Julil 1868.

Kaiwas Josep Kissar, et temma welli om temmale wõlgo ja ei massa mitte tema wõlga ärra, kes sel 1864. aastal om Jaani kätte saanu.

1. Lehm 16 Rbl 55 Kop

üts püt kallu  - 6 - 66 Kop

üts hobbene ostetu 27 - 50 Kop

kolm wikatit ostetu - 1 - 35 -

reerauwad ostetu - 1 - 40 -

hobbese suitse ostetu - 50 -

üts põrs ostetu - 1 -

Summa 54 Rbl 86 Kop

Sis olles temma welli Jaan temmale ütelnu: "Welli minna ei jõuwa sedda sulle massa". Sis olles Josep Jaanile se wõlla 30 Rbla pääle jätnu, ni et Jaan olles kolme aastaga egga aasta 10 Rubla Josepile masnu ja sis olles se wõlg tassa ollu, ent Jaan ei olle seeni ajani ennamb masnu. Kui 10 Rbl ja 20 Rbl om weel masmata.

Tunistaja omma Gustaw Zernand ja Widu Narusktrank.

Ette tulli Jaan Kissar ja ütel, et Joseb om kül lehma ostnu ent mitte temale ja Jaan om suwwe aigo lehma piddanu ja 10 Rubla eest ärra müuinu ja se rahha Josepile andnu. Ja hobbese eest om Jaan 10 Rbl Josepile taggasi masnu. Wikkatit om Jaan essi looma rahhaga ostnu. Suitset om Jaan essi ostnu. Põrssa om ilma rahhata toodu. Ja ütel Jaan, et temmal weel Josepi käest mõdi linnasemmet Josepile mahha tenu nink leodanu ja ni kauwa kui wallmis tennu 5 Rubla ja ütte küllimitu alla kartohwlit mahha pandnu 3 Rbl ja Josepile andnu saja minna 5 Rbl

Summa 14 Rubla

Sel 19 Augustil

Tunistaja Widu Narrusktrank ja ütel, et temma tijab, et Josepi rahhaga om lehm, hobbene ja kallad ostetu ja om kuulu, et 30 Rubla om sedda wõlga jäänu ja Jaan om lubbanu 3 aastaga ärra massa.

Tunistaja Gustaw Zernask ütel, et temma middagi ei tija.

Kohhus mõist, et Josep ütleb, et temma om Jaani käest 10 Rbl kätte saanu ja 20 Rubla weel saada om. Ja Jaani ütlemise perra om Josep 4 Rbl rohkem saanu, sis om se 4 Rbl Josepi 20nest Rbl mahha arwatu. Jääb weel neide wahhe 16 Rbl. Ja et neil se wahhel üttege tunistust ei olle, om kohhus se 16 Rbl pooles mõistnu, sis peab Jaan weel Josebile wälja masma 8 Rubla.

Ja et Josep ütel et Jaan olles 2 mõdu maggasi rükki ärra sallanu, mes Josepil magasist wõedu olli, lähhab sest 8 Rublast 3 Rubla mahha neide maggasi rükki eest ja jääb 5 Rbl Josebile.

Kristjan Rämman

Jakob Parmson

Peter Urgard