Päkohtomehhe Jacop Kontsile olli ülles antu et Samuel Simka om Kärsale lännu pühhapäiwal sel 9mal Nowembril omma Särgi rõiwast rätseppa Kätte wima nink om säält Kärsa Körtsi mant õddangu taggasi tullen Ahja Walla Sulbi perre mehhe hõbbese ärra tonu ja ka ütten naggel Kündlit nink üts toop Petroleummi. Kui temma omma Koddu lähhudele om sanu, om temma hobbese wallale lasknu, nink pälegi hobbese pääst Suitse ohja ja seddolka rihma ärra warrastanu. Hobbene oma Kassi Körtsi mannu tulnu nink ütte töise mehhe Wankri pääl hainu hakkanu söma. Körtsimees Joh. Peterson om sedda hobbest ilma Suitse, ohju ja seddolka rihmata Körtsi alla öses winu, Töisel päiwal omma taggan otsja säält omma hobbest Kätte sanu, nink Samuel Simka om wimate ka tunnistanu et hobbese riista temma Käen omma ja selle teo leppitamisses et temma ilma teedmata Kärsalt hobbese ärrä tonu, neile mehhile 2 Rub leppitusse rahha massnu.

Kohhus moistse!

Et kül Samuel Simka hobbeser Mehhele 2 rbl leppitusse rahha massnu, saap temma weel wargusse oppimisse eest et temma wargust peäp mahha jätma 30 witsa lööki.

Päkohtumees J Konts <allkiri>

Abbikohtomees Jaan Petso XXX

Abbikohtomees Jaan Wisk XXX