Tulli ette Karrasky Mäe Musti kõrtsimees Peter Koort ja kaibas, et sel 11 Junil s.a. tulliwa Wanast Piigandist 10 ehk rohkemb meest  Kõrtsi, kos mina esi kodon es ole, ja tennowa suurt Kärra, ni et mino naine, kes iga päiw maha saamisel oli, suure waiwaga wälja olli päsnu, ja Obuse talli henda ära peetnu, tolle wahe aja seen konna nema wälja oliwa lännu, ent tullowa jälle tagasi,  lõhknowa tagga kauba kambre ukse pääle mes lukku olli pantu ni et lukk lõhkmise perräst oli ära rikkutu, nink läbi akna pidin sisse minema, ja kirwega aasa pidin wälja tõmbama, muido sisse saamine oli wõimata, nägin et kiik ede ja taga kõrts oli ümbre känto, kolm piima kausi kiige piimaga olliwa purus löödu, willane kangas piimaga ära leotedu, üts pudel katski löödu, ja Rentniku perenaine Ann Michelson oli kära pääle ala tulnu, ja mino naist Obose tallist löidnu ja oli ka sis weel tallin konna mina ise kodo sain.

Nowan kahjotasumist 20 Rbl ja mino naise heiditamise eest 100 Rbl utte kokko 120 Rbl.

Tunnistada woiwa Jaan Mark  Johann Tarto, ja Ann Michelson.

Sai ette kutsotos Adam Otsus Petri poig kaibus ja nõudmine temal ette loetus, kes ütles, et tema om küll Kihelkonna kohtost tulnu, ent om wankrin maganu, ja ei teedwat kedägi ütelda, wiimuste ütles et om küll kõrtsin käinu, ent toise oliwa kiik wäljan, kause minä katski es löö. es ole ka kõrtsinaist kõrtsin mina olin ütsinda.

Sai ette kutsotus Adam Otsus Jaani poig, keswälja ütles et om muist tulejatest perrä jäänu, ja Kusta Edesi´ga temaga utten, omawa  küll Mäe Masti Kõrtsi juures kinni pedänu, ent kortsi es sa meist kumbgi mitte.

Sai ette kutsotus Kusta Edesi kes wälja ütles, et mina tullin Adam Otsus´ega (Jaani poig) mõlemba ütten, jäime muist perra, selle et Obosel look päält maha tulli, nink oliwa weel kiik kõrtsi juures wäljal, mina es sa küll esi kõrtsi, es pane ka muid tähele, kes sissen oliwa.

Jaan Otsus es ole tulnu Jaan Edesi es ole tulnu Peter Ajalik es ole tulnu Peter Ajalik Jaani poig es ole tulnu ka Adam Adel es ole tulnu.

Kiik ne ülewal nimitedo kes tulnu olliwa, neljakese teiwa siin Kohto een se lepping, et massawa Peter Koortil 15 Rbl kahjotasomist, mes katte nädali perräst peäb ära massetu olema, nink kui termin päiwas ei sa ära massetus, sis jääb lepping tühjas ja saawa toises kohto paiwas jälle kiik ne üles anto ette kutsotus.

Ja Peter Koort oli sellega rahul kui se raha kätte saab

Pääkohtomees      T. Wõso

Kohtomees           J. Roht 

Kohtomees          J. Ratnik