Kahkwal sel 12 Augustil 1868

Kaiwati mõtsawahte poolest, et Josep Hüllimson om henda maja lähhüdal ütte soo pallama pandnu, mes Josep essi kül sallanu om, ent katsite jutte perrast arwada om, et Josep süidlane om.

Ette tulli Josep Hüllimson, ja üttel, et temma ei olle mitte pallama pandnu ja ei tija sest middagi ent kui nemma om nännu, sis om omma wilja poolt hoidnu ent sood piddi om iks eddasi pallanu ja Peter Kimmi om ütelnu, et homugu om jo soo suitsanu.

Ette tulli Peter Kimmi ja ütel, et tema om heidsist tullu ja perremees om tedda mõtsa saadnu kanda tooma, sis om tema nännu, et suitsu om tullu ja tema om teedmist koddu toonu, et minge ruttu, tulli tuleb kara. Sis om Madwei Wallakin Willakin ja Peter Hüllimson kistutama lännuwa. Ja Paap Parmaksoni krundi poolt om henne pallama lännu. Josep Hüllimson ütel, et eddimalt om kistutama lännuwa Madwei Willakin ja tema essa, ja eddimalt om temma ja Paap Parmaksoni krundi poolt edimalt oma pallama lännu.

Peter Kimmi üttel, et temma emma om kõnnelnu, et Kübbara Petre karjustel om tulli ollu ja kui karjusse om ärra koddu lännuwa, sis om mõts palama lännu.

Karl Lepland üttel, et Paap Parmaksoni ja Tatti krundi poolt om eddimalt pallama lännu.

Mõtsasaks ennam kohut es otsi jäi se assi poolele.