Kahkwal sel 21 Oktobril 1868.

Kaiwas se mõisawallitsus, et Leppikese karjamõisa nurmest on sel 2tal Oktobril 2 äkli ärra warrastut, mes arwamise perra Widu Simmulandi sullane Wasil, kes se kõrd Leppikesel äestaman om ollu om ärra winu. Nink ja otsmise aigu om jälled Widu usaida lännu.

Ette tulli Wassil Palkow ja ütel, et koddu minnen om nemma wastse tarre man Hõdu Nitsikowist möda lännu end muido ei olle nemma keddagi nännu.

Widu Simmuland ütel ka ni samma.

Tunistaja Peter Zernask ütel, et emma om määsilla otsan jälgi leidnu ja ne jälle om Widu Simmulandi usaida lännu.

Hendrik Leppind üttel, et nemma om nurmest jälgi pidi nii kauwa kui W. Simmulandi usaida länu, nemma om kül jälled ärra mõdnu, et sedda mõtu es olle mitte kohtu een ette näidata.

Jakob Parmak üttel, et tema karjus om need äklit Thoma Jaani krundi päält saost leidnu mes temma ka mõisa õkwa teda om andnu, üts äkli om terwe ollu ja tõine om ollu ärra lahhutu.

Kohhus mõist, et se man mitte õiget tunnistust es olle, et Widu ehk Wassil ne äkli olles warrastanu es wõi kohhus middagi mõista.

Jakob Parmson
 

Peter Urgand

Gusta Lepson