Kahkwal sel 18 Nowembril 1868.
Kaiwas mõisawallitsus, et sel 15mal s.k. om Leppiko karja mõisa rehhe mant rükki mõisa aita todu ja Wido Narusktrank om ütte katte wakka lisi kotti ommast tarrest möda tullen ärra (warrastanu) wahhetanu. Mõisa röa omma zea sulgo ärra käknu ja 2 wakka ossa kahru karu assemele pandnu mõisa aita tuwa.
Tunnistaja omma aida saks Straus ja Karl Rämman.
Ette tulli Straus ja ütel, et temma om Leppikese rehhe mant röad pääle mödnu ja kui aida man om salwe puistanuwa, sis om üts kot ette tullu mes mitte rehhe man ei olle ollu, se pääle om Straus kussinu kelle se kot om, sis om tõiste terra toja ütelnu, se om Widu Narukstrangi kot.
Se kottin om selge kahru kara olluwa, et nüüd ne röa jo salve om saanu wälja puistatus, es wõi neid ennamb taggasi sada ent Widu Narusktrant om saanu õkwa läbbi otsitus ja om Widu zea sullust se mõisa röa kot leitu.
Ette tulli Wido Narusktrank ja ütel, et temma naine om se mõisa röa kotti ärra wõtnu ja kostra kotti assmene pandnu ni kauwa kui temma om tarren käinu. Widu Narusktrangi naine ütel, et tea mees neist röa wahhehumissest midagi ei tija, ent temma on ni kauwa kui mees tarren käinu kotti ärra wahhedanu.
Kohhus mõist, et Widu kahru karad ka mõisa aita om jänuwa sis saab Wido mõisa käest weel üts wak rükki taggasi. Sa selle eest, et ommal naisel om warrastata lasknu saab Wido 20 witsa lögi.
Rein Oinberg
Jakob Parmson
Peter Urgand
Kahkwal sel 18 Nowembril 1868.
Kaiwas mõisawallitsus, et sel 15mal s.k. om Leppiko karja mõisa rehhe mant rükki mõisa aita todu ja Wido Narusktrank om ütte katte wakka lisi kotti ommast tarrest möda tullen ärra (warrastanu) wahhetanu. Mõisa röa omma zea sulgo ärra käknu ja 2 wakka ossa kahru karu assemele pandnu mõisa aita tuwa.
Tunnistaja omma aida saks Straus ja Karl Rämman.
Ette tulli Straus ja ütel, et temma om Leppikese rehhe mant röad pääle mödnu ja kui aida man om salwe puistanuwa, sis om üts kot ette tullu mes mitte rehhe man ei olle ollu, se pääle om Straus kussinu kelle se kot om, sis om tõiste terra toja ütelnu, se om Widu Narukstrangi kot.
Se kottin om selge kahru kara olluwa, et nüüd ne röa jo salve om saanu wälja puistatus, es wõi neid ennamb taggasi sada ent Widu Narusktrant om saanu õkwa läbbi otsitus ja om Widu zea sullust se mõisa röa kot leitu.
Ette tulli Wido Narusktrank ja ütel, et temma naine om se mõisa röa kotti ärra wõtnu ja kostra kotti assmene pandnu ni kauwa kui temma om tarren käinu. Widu Narusktrangi naine ütel, et tea mees neist röa wahhehumissest midagi ei tija, ent temma on ni kauwa kui mees tarren käinu kotti ärra wahhedanu.
Kohhus mõist, et Widu kahru karad ka mõisa aita om jänuwa sis saab Wido mõisa käest weel üts wak rükki taggasi. Sa selle eest, et ommal naisel om warrastata lasknu saab Wido 20 witsa lögi.
Rein Oinberg
Jakob Parmson
Peter Urgand
