Kahkwal sel 11 Januar 1869.

Ette tulli Wirksu kõrtsimees Karl Naruskow ja üttel, et temma ait om sel 28 wasta 29ma Dezemberil ärra lahhutu ja om ärra warrastet 22 punda linnu. Ja se pääle om Petzeri kaupmees Stepan Iwwanuwitz Karl Naruskowile ja Peter Kübbarale ütelnu, et temma om nännu Kahkwa mõisa pooleterra mehhi sel 29 Dezembril Petzerin linnu müiwad ja om rahha saanuwa linnu eest 66 Rubla. Linna müija om olluwa Widrik Jõks, Mihkel Linder, Karl Waaks ja Werriorralt Jaan Urgard.

Ette tulli Widrik Jõks ja ütel, et temma sel 28 Dezemberil Wennemaale sõidnu ja om sel 29 Dezem Petzeri lännu ja turru pääl Jaan Urgardi ja Peter Jõksiga kokko saanu.

Mihkel Linder ütel, et temma om 28 wasta 29 Dezembril (Wennemaale) Petzeri lännu ja sääl om Werriorra mehhed Jaan Urgard ja Peter Jõksiga kokku saanu.

Sel 3tal Märzil ütel Jaan Urgard, et temma om Petzeri Lombi Juhhimi wärrate een ütte wennelase linna koorma man saisnu ja Petzeri kaubmees Stepan Iwwanowits om tullu ja ümbre linna koorma kaenu ja sis ärra lännu ja pääle keskpäiwa om temma weel Mihkel Linderi ja Karl Waaksiga kokku saanu.

Widrik Jõks ja Mihkel Linder saiwa maakohtumannu saadetus säält lasti enam taggasi.