Kahkwa kohtu majan sel 17 März 1869.

Kaiwas Werriorra mõtsasaks Sibbul, et temmal om 11 peddajad mõtsast se talwe ree tee aigo ärra kaddunud, mes Kahkwa mõtsasaks J. Rosneek om ütelnu teedwad.

Tunistaja J. Rosneek ütel, et Ottu Leming om temma tarren kos ka kohtumehhed om man ollu ütelnu, et temma om Werriorra mõtsast omma lauda tarwis palgid toonu.

Ette tulli Ottu Lemming ja ütel, et tema olles jobnupäga rummalaste kõnnelnu ja üttel, et temmal om ommast tarrest palke ülle jäänu ja om ka Wennemaalt Zolgo Ordi ja Sahhari käest palke ostnu.

Sel 14 April

Üttel Zolgo Sahhar, et temma om omast ostetu mõtsast Ottule petaja ja hawa palke müinu ja Orrawa mõtsast om temma ka latwa palke Ottule toonu.

Zolgo Ort ütel ka ni, et temma om ommast ostetu mõtsast Ottule palke müinu nink ka Orrawa mõtsast om toonu.

Kohhus mõist, et Ottu om eddimalt mõtsa saksa ja kohtumeiste een üttelnu, et tema Werriorra mõtsast om palgid toonu, kes kül Ottu ütel jobnupäga kõnnelnu ollewad ja õkwa mitte es ütle, et temmal om Wennemaalt palgid ostetu, saab Ottu Leming 15 witsu.

Ja et Werriorra mõtsasaks kohtu een ütel, et temmal om talwe lummetee aigo palgid kaddunud ja O. Lemminge laut jo süggisi walmis olli, ei wõi ne mitte Werriorra mõtsast kaddunud palgid olla.

Ja kui tunistajade läbbi om üteldu, et ne palgid Wennemaalt om toodu. Ja kohtumehed om sedda nännu, et Ottul om tarrest ka palke ülle jäänu, jääb Ottu Lemming neist Werriorra palgest süida.

Peter Urgard

Jakob Parmson

Gusta Sõugand