1. Greet Pihhu tõi kaibust ette. Kui temma kewade Paidra Josepi mant, kelle man temma seni ani olnu, Wanna Koijola mehhele lännu, ollew temma Paidra Josepil selle ette, et Paidra Joosep temma 4 aastast poiga wõttab ülles kaswatada, üts wak röa semend andku küllida ja ka sadda sõnnikut selle ma tarbis. Pääle se weel üts wak kaaro semend, kelle man kaup ni ollew olnu. Joosep piddanu sest kaarast pool wakka röa kõrde küllima, mes ka Greet ollew röa alla wäetanu ja teise poole wakka ette linna ja piddi se Jaak sest kaarast ja linnast Greedal sama. Kui nüüd Joosep Porrila temmal middagi ei andwat. sis  temma pallub kohhut nende wahhel selletust tehha.

Josep Porrila koste selle pääle, et kaup ni wisi nende wahhel ollew olnu, et se üllewal nimetetu ande kik selle latse ülles kaswatamisses Greeta poolt on heal melel lubbatud.Tunnistust ei olle kummalt ki poolt.

Selle Pääle sai mõistetud:

Josep Porrila annab see röa semen, 1 wak, sest et middagi tunnistust  nende wahhel ei olle - Greetel taggasi ja peab se lats, ni kaua, kui ülleskasunu henda man.

xxx Ado Sokk päkohtomees

xxx Johan Weiko kohtomees

xxx Johan Nemwals

xxx Johan Leppason walla wöörmünder