Kohtu man kaibas Tawit Piito: Et temma om minnewal Aastal Jürri Herne kätte kolm paari pokse ummelda andnu, nink temma ei tahha enne neid kätte anda kui minna temmale 75. Kopkat ummelust ärra ei massa, sest minna anni temmale hobbest üttes ööspäiwas nink kattes sogiwaihes wõlga takkan otsi, ent selle eest ei tahha temma mulle midage massa, kunna nüüd Tawit Piito sellega rahhul ei olle, nink palles kohhut sedda asja perra kullelda, nink sääduse perra moista.

Kutsuti ette Jürri Herne, se wastutas selle kaibuse pääle; Et temma neid pokse enne Tawit Piitole kätte ei anna kui temma 75 kop. ummelust ärra ei massa, nink selle hobbesega käümise eest wõt temma poig kui minna sääl umbleman olli 50 kop. ummeluse rahhast ärra.

Kui neil kummalgi ennamb selle asja perrast middagi ütlemist es olle, moistis Kohhus: Et Jürri Herne massap Tawet Piitole selle hobbesega käümise eest 1 rubla katte näddali perrast ärra, nink Tawit Piito massap Jürri Hernele pokse ummelust 75 kop selsammal terminil ärra nink saap poksi kätte.

Moistmine nink § 773 sai kohtunkäüjile ette loetus, kon nemma ka sellega rahhule olli.

J. Kramp xxx

M. Soldan xxx

G. Rautsep XXX

Kirjotaja: A. Hallop[allkiri}