Tulli ette perriskrundi Perremees Tannil Wärs , ja kaibas et temma poole Maja rentnik Jakob Wõsso lubbanu minnewa Kewwaja 1874. maja Wasta wõtmisse leppingo rahha 10 rubla ja leppinuwa  illusaste Maja andmisse kui ka wasta  Wõtmissega ärra, kos , ka  Kohtomehhe ommawa mann olnu, nink nimmelt , Pääkohtomees Jaan Tullus, Kohtomees Michel Wõsso, Abbi Johan Raig, ja Abbi Jaan Lodus, ja nüüd ei masswat ärra.

Sai ette kutsutus Jakob Wõsso,nink üllewal nimmetedu kaibus ette loetus, kes selle pääle kostust andis ja ütles, minna lubbasi küll se kümme rubla, ennegi selle est, et mull olli Linno rohkemb tettu agga et ma perris herra kaest selle ülle tähhe saije et mull selle ülle süüd ei olle tolle perrast minna ei tahha ja ei massa, nink ni eddesi.

Otsus

Kohhus moistis sest  et Kohtomeestel se assi kik teeda ja täwa nink õige olnu mes Tannil Wärs kaibanu, et Jakob Wõsso peap Tannil Wars'ile 5. rubla massma, selle et om tookõrd essi paknu ehk lubbanu, ja et temmal sis es olle perris herra tähte kedda temma ennegi perran olli toonu, ent se teine 5. rubla jääp perris herra tähhe õigussen hoitmisses mahha.

Sai Kohtomoistmine  ja § 773. n: 774 Kohtokäüjatele ette loetus, ent Jakob Wõsso es olle sellega rahhu et arwas hendal liiga tettu ollewat nink pallel Protokolli mes Kohhus ka lubbas anda

Allkiri

(L:S.) Protokoll wälja antu sel 11.mal Junil 1875.