Kuwwendalt,

Tulli ette Karrasky Moisa Mõtsawacht Jaan Uibo ja Kaibas et Üllejõe ma Karjusse ollewat Kudduse Laanest 226 Lehmust ärra leiganu ja ärra koorinu ja ne kooritu puu Mõtsa jätnu, nink nõuudis egga puu päält 30. Kop. hõbr teep ütte kokko 67 Rubla 80 Kop hõbb.

Saiwa ette Kutsutus 1. Peter poig, Jaan Likker, kes wälja ütles et temmal olnu 15. Lehmus niest, 2. Sai ette kutsutus Bernhard Wahher Karjus Jan Kurwitz, kes wälja ütles, et temmal olnu ka 15. Lehmus niest, 3. Kutsuti ette Peter Warjen Karjus, Jaan Pokkatz kes wälja ütles, et temmal olnu 14. Lehmus niest, nink 4, Kutsuti ette, Jaan Jauss Karjus Kusta Kuhhi kes wälja ütles et temmal olnu ennegi 7. Lehmus niest, teep ütte kokko wälja 51. Lehmust.

Selle pääle sai kohto poolt Küssitus, neide Karjusside Käest, kuis neid Kooritud puid nipaljo saije, nink neid niedsi teil ni weidi olli.

Selle pääle andsewa Karjusse wastust, nink ütlewa et mõtsawacht kutsus meid Mõtsa, ja üttel et Korjake kik ne Kooritu puu Raendu päält kokko, et Herra tullep Mõtsa kaema et Mõts peap puhhas ollema, selle pääle piddime meije, omma, ja wõõra kooritu kik kokko otsma, ja Mõtsawacht Luggi perrast kik ütte Kokko selle perrast saije neid paljo, sääl olli muide Kooritut paljo ennamb Kui meil olli.

Jälle saije Mõtsawacht Jaan Pallosoni  Käest Küssitus kui jämmed ne puu olliwa, kes wälja ütles, et 50. Kooritut puud woise ütte peijo wõtta. Selle pääle ütles Mõtsawacht, Jaan Uibo, et temma om Pigaste-Herra von Pferfferi käest Küssinu, Kes neid niedsi olli nännu, ja üttelnu neil olli ikkes  wistist eggalüttel pool rohkemb kui nemma omma ülles andnu.

Otsus Kohhus arwas ja moistis, selle et Mõtsawacht olli  Kik Raendu päält lasknu ärra korjata, mes ka neide kooritu es olle, nink perrast om kik ütte luggenu, ja et ne Lehmusse Mõtsawachti  omma wälja ütlemisse perra wäega penikesse omma olnu. - massap eggaüts Karjus 1. rubla trahwi, teep ütte kokko 4. rubla kellest 2 rubla waeste Laati saap, ja 2 rubla Moisa Herrale, mes 8. päiwa sissen ärra massetu peap ollema. - Sai Kohtomoistminne ja § 773. n: 774. Kohton käüjatele ette loetus, ent Motsawacht Jaan Uibo es olle sellega rahhul et arwas hendal liiga tettu ollewat nink pallel Protokolli mes Kohhus ka lubbas anda.

(Allkirri)

(LS) Protokol wälja antu sel 21mal Julil 1875