Moisa karjapois Willem Menning kaibas sisse et Hindrik Markwart ollewa tedda 2 kõrda hiusist kinni wõtno ja pähha pessno, ja Jaan Luspu ollewa ka tedda pessno. Hindrik Markwart ütleb et temmä ei olle Willem Menningit pessno, ent W. Menning ollewa H. Markwartile enne lõno, nink sies om Hendrik Markwart W. Menninget rinnost kinni wõtno.  Jaan Luspu ütleb et temmä ei olle W. Menningit pessno, ent Willem Menning om tedda enne lööno. Tunnistajä Ado Kessä ütleb et Willem Menning om Hindrik Markwarti ja Jaan Luspuud enne löno. Ernestine Jakobsohn ütleb ka et Willem Menning ollewa enne lööno Markwarti ja Jaan Luspuud. Willem Menning ütleb et temma om ennegi neid poisse tarrest wälja ajano karja tallitama.

Moistetud sai. Hindrik Markwart peäb trahwitud sama 15 witza lögiga ehk massab 3 Rb 4 näddali sissen ärra waeste ladiko hääs. Willem Menning peäb 50 kop. ja Jaan Luspu 50 kop. 2 näddali sissen waeste ladiko hääs ärra massma. Se moistmise otsus sai neile kohto käijile ette loetus ja selletetus et kes sellega rahhu ei tahha olla peäb 8 päiwa sissen ütte Keiserliko 7. T. kihhelkonna kohto sisse kaibama muido kaob kaibuse oigus.

Päkohtomees Mihkel Kolga xxx

Kohtomees Peter Jaanimäggi xxx

d Jaan Wenzli xxx

Kirjotaja W. Ackel