Tulli ette Jaan Lepäson, nink kaibas, et Johann Ratnik täis kari ilm Karjaseta Mõtsast tema tatriko põllo pääle tulnu, kos õige rohkest söödu nink sõkuto olnu, nõudis 3 Rbl kahjotasomist, kahjo om üle kaenu Wöörmünder Jaan Mark nink Wallawanemb Samoel Raig. 

Sai ette kutsotus Johan Ratnik kaibus ja nõudmine temal ette loetus, kes selle pääle ütles, se wõib kiik õige olla, ennegi too kahjo ei ole mino arwamise pääle mitte rohkemb kui 50 kop.  

Sai Wöörmünder J. Mark käest küsitus kes kahjo om üle kaenu, kes ütles weert mööda olli söödu, ja 2 ehk 3 elajat olliwa obis läbi tatriku länno, kos ka segite söödu olli, nink lamba jälgi olli ka siin nink sääl tutta, mino arwamise perra olli sääl 2. Rbl eest kahjo tetto.

Wallawanemb S. Raig tunnistas niida sama. 

Otsus    Kohus mõistis, ametnikude üle kaemise nink kahjo tassomises arwawwa, et Johann Ratnik massap Jaan Leppasonil 2 Rubla põllo söömise kahjo, mes kattesa päiwa aja seen peäb massetu olema. 

Sai kohto mõistmine ja & 773 - 774 kohton käiadelle ette loetus, nink olliwa rahul. 

Pääkohtomees   J. Rocht

Kohtomees    M. Wõsu

        "           J. Mandli

Kirjotaja    as   R. Grünberg [allkiri]