Tulli ette Tarto liinast Riga ulisest № 48 Kaupmees Mondson, wolitud kauba toimetaja  Carl Anton, nink näitas Kogukonna Kohtole ütte Wõla  rechnungi, üle 40 Rbl 76 kop ette, mes ära surnud Jaan Michelson aastast 1882 herra Mondsoni kauplusest, kaupa lainu pääle oli wõtnud. 

Et Jaan Michelson mitte ennamb elus ei ole, ja tema perändajad sest wõlast midagi ei ütle teedwat, nink massa ei taha, palen mina seda raha 40 Rbl 76 kop ütten 4 ajastaja protzentiga temal wälja massa sundida, Jaan Michelson perijatte käest.

Nink ütles weel kui mina sel 20 Junil s.a  Mäe Musti tolle wõlg raha perra tulnu oli, sis tema Jaan Michelsoni poig Gustav Michelson kogoni ära sallanu oli, ent perenaine Ann Michelson üttelnu, et wõib ka olla sest mino mees tegi ka mõnd ilm mino teedmatta. 

C. Anton noudis oma katte sõido eest mes tenno om a 5 Rbl soit, 10 Rbl kahjotasomist.

Sai ette kutsotus poig Gustav Michelson, kes wälja ütles, et tema sest wõlast kedägi ei tija, woib ka olla et se wõlg olnu om, ja ka ära massetus saanu, nüüd peran isa surma wõib paljogi Tartust nõudjit tulla. 

Otsus.  Kohus mõistis et Jaan Michelsoni perija peawa tema maha jäänu warandusest Kaupmees Mondsonil ramatide läbi kaemise perra mes õige, et wõlgo om olnu 40 Rbl 78 Kop wälja massma. Ent protzent nink sõidode eest nõudmine sai tühjas mõistetus, selle peräst et J. Michelson esi mitte enamb ei ela, ehk wast temaga kannatada lubanu om. 

Nink Carl Anton ka weel edimaist korda siin Kohto een om olnu. 

Sai Kohto moistmine ja § 773 ja 774 Kohton kaiadelle ette loetus ent Gustav Michelson es ole rahul ja pallel Protokolli mes Kohus ka lubas anda.

Pääkohtomees   J. Rocht

 Kohtomees   M. Wõso

       "                 J. Mandli

 Kirjotaja  R. Grünberg [allkiri]