Tulli ette Michel Raig ja kaibas, mino heinamaa põimeti kiik suwwi õige paljo ara, nink es sa konnagi katte, ent Jaanipäiwa poolpaiwal sel 23 Junil sain mina jälgi pääle, kos Daniel Mandli mino kodo õdanga sona tõie, et Ann Jaus, nink Mari Sild niito ommawa länno, mine rutto kaema, nink lätsin mina esi ütsinda Jaanipäiwa hommiku kaema, nink löisin ka et õige olli, aga kallil pühhal es ole woimalik kohtomeest ütten wõtta, nink jätsin tõises päiwas. Sel 25 Junil wõtsin Wöörmündert Jaan Marka kahjo üle kaema, kes tunnistada wõib et mino kõne oige om. Nõudis 3 Rbl kahjo eest. 

Nink ütles weel et Ann Jausil ole mina tema suure palwe pääle andis andnu. 

Sai ette kutsotus Mari Sild, Wöörmünder tema mees Märt Sild kaibus ja nõudmine ette loetus, kes wälja ütles et tema jalg mitte M. Raig niido pääle saanu ei ole, ennegi Janipabo Tallo niido puhmude seest korjanu, seda woiwat Ann Jaus tunnistada, kes temmaga ka ütten haina om otsman käino. 

Wöörmünder Jaan Mark tunnist, et olli küll sugo puhme seest korjatu, ent ennamb jago niido päält, ent kas kiik Ann Jaus, nink Mari Sild läbi tetto, ei woi mina mitte üttelda, sest haino ei ka põimist ei ole mina nänno, ennegi ni paljo om minol teeda, kui üle kaema lätsime, sis näidas Mari Sild, et om kiik Janipabo niido puhme seest korjanu, ent Michel Raig ütles ütte jao oma niido olewat.

Otsus   Kohus mõistis, et Mari Sild massap / 1/ üts Rubla M. Raigil kahjo tasomist. 

Nink /1/ üts rubla walla waeste laati trahwi, selle peräst et om woeran niidon käino, kos tema Mari Sild esi om näidanu, kost tema poimnu oli, sis es ole tunnistust rohkem tarbis. 

Sai Kohto mõistmine ja §§ 773 ja 774 Kohton kaiadelle ette loetus, ent Mari Sild es ole sellega rahul palus Protokolli mes kohus es luba mitte anda. 

Pääkohtomees    J. Rocht

Kohtomees      M Wõso

     "          J Mandli

Kirjotaja as.  R. Grünberg [allkiri]