Tulli ette Paul Akkel, tema Wöörmünder Adam Lukkatz, nink kaibas, mina tullin Jaanipäiw hommiku Mättisto talost Jaani tulelt, mino een lätsiwa Johan Kebja ja Jakob Kebja, nink ootasiwa minno posti tee pääl järgi, kos Johan Kebja mino rindo pitte kinni wõttis, ja rappotaden minole ütles, kuidas sino olet lubanu minole tuhka silmi sisse wisata, kui mina Kakko Talo tüdrikude manu lähen, nink wiskas mino kraawi. Kui üles tullin sis leie jälle Jakob Kebja minnole rusikoga, et kraawi kukkusin se olli joba toine kõrd  Mina ütlin sis, mes teil Kakkole ööse otsma tulete, tolle ütlemise pääle aije Johann Kebja oma käe minole lõõri tõst pää minol sälga, nink leie rusikaga üts kõrd korwa pääle, ni et mino mõistus pärast ära kadus, nida wõrd sain arwo, et Jaan Reiwas ütles, et teie tapate teda ära, nink tahtnu Jakob Kebja weel mino pessa ent Jaan Reiwas es ole seda enamb tetta lasknu. Kos sis Jakob Kebja üttelnu, olgo pääle, enne Oriku laata peäb tema iks tappa saama. 

Nõudis oma pessmise eest 50 Rbl ja andis tunnistajas Jaan Reiwas Johan Söörd ja Michel Waga kiik Karraskist.

Sai ette kutsotus üles anto tunnistaja Jaan Reiwas nink Kohto poolt küsitus mes tema tiab tunnistada, kes wälja ütles, et Jaan Akkel kaibus kiik õige om, ja temaga niida om sündinu, ja ütles weel et Jakob Kebja ähwardanu ütelden tema peäb niida sama pessa saama niida kui tema welli Krootusen mino käest sai.

Tunnistaja Johann Söörd, kes niida sama tunnist nink ütles kiik õige olewat. 

Tunnistaja Michel Waga kes ka niida sama tunnist, ent lisas weel jurde et kui sügise pimeda öö tulewa sis peab tema tappa saama  Se olli Jakob Kebja wälja ütlemine. 

Sai Johann Kebja ette kutsotus kaibus ja noudmine ette loetus, kes selle pääle ütles, et Paul Akkel om tedda wargas sõimanu, ent löönu ei ka tõuganu ei olewat tema mitte, ja ütles meie oleme kiik ütte joodiku nink ei wõtta mina neid mitte henda pääle tunnistajas wasta. 

Sai ette kutsotus Jakob Kebja kes niida sama ära salgas.

Otsus.  Kohus mõistis, öösetse ümbre hulkumise eest, kos wiimate tülli nink kakelust teewa, massab Johan Kebja 1 rubla walla waeste laati trahwi, nink tunnistuse perra 2 Rubla Paul Akkelil walo raha. 

Nink Jakob Kebja kes ka mitte wähemb süüdlane ei ole massab ka 1 Rubla walla waeste laati trahwi nink Paul Akkelil 2 Rbl wallo raha. 

Ja Paul Akkel massab ka esi, tolle eest et om kiik öö wäljan kõndnu 1 rubla walla waeste laati trahwi

Ka kiik ne üles anto tunnistaja massawa kui nimelt Jaan Reiwas 1 Rbl Johann Söörd 1 Rbl nink Michel Waga 1 Rbl Walla waeste laati trahwi   Selle et ei prugi mitte ümbre hulku. 

Sai Kohto moistmine  ja §§ 773 ja 774 ette loetus, ent P. Akkel es ole mitte rahul pallel Protokolli  mes Kohus es luba anda. 

Päämees   J. Rocht

Kohtomees  M. Wõsu

Kohtomees  J. Mandli

Kirjotaja R. Grünberg [allkiri]

Appelation 14. Juli P. kätte antud