Poolele jäänu kaibus asjun sest 10 Julist s.a.  № 91 sai ette kutsotus Mäe Juusa rentnik M. Juks, nink temal se Jaan Uibo kaibus sõnniko wälja wedamise peräst  ette loetus, kes wälja ütles, et om ennegi 1 wakkamaa kontrakti perra kartofli sõnnikut wälja wedanu, nink olli perremees Jakob Uibo ka esi tolle mann, et rohkemb wälja wedanu ei ole, kui se minost oles sündinu, sis oles tema Jakob Uibo wõinu Kohtomees tuwwa, nink mino sõnniku wedamist ka keelo ala panda. Se om obis wõls kõne, Kartoflit om minol küll rohkemb pantu, ent ilma sõnnikuta.  Aijamaa pääle om minol arwata 1 1/2 wakamaad Kartoflit panto, selle mann ei woi tema Jakob Uibo mino pääle süüdi mõõta, sest et tema aijamaa pääle sõnnikut esi wedada loba andis, (nink kiik perremehe seda teewa).

Otsus.  Kohus mõistis, et Jakob Uibo kui Mäe Juusa peremees esi obis ligi ehk piiri pääl elab, nink seda wäega häste nägi, kui Michel Juks Kartofli sõnnikut rohkemb wälja wedänu olnes, nink üttegi kohto abi, ehk peran wälja wedamist üle kaemist pallelnu ei ole sis moistis Kohus J. Uibo kaibust tühjas, nink se sonnik ka kellegi woera maa pääle ei ole weetud kui seda ka sugo rohkemb olnes. 

Sai Kohto Otsus nink §§ 773,774 kohton kaiadelle ette loetus ent Jakob Uibo es ole rahul pallel Protokolli, mes kohus ka lubas anda. 

Appellation 29 Juli Jakob Uibo                                                                           

kätte antud.                                                                  Pääkohtomees  J. Rocht

Copia 2. Aug. Kihelkonna                                           Kohtomees   M Wõso                                       

kohto saadetus.                                                           Kohtomees  J. Mandli   

                                                                                       Kirjotaja as. R. Grünberg