Ette tuli Hans Pedak ja kaibas, et Joh. Kadak naine Ann olla teda sõimanu. Tema olla üttelnu: Sa kuradi waras, to mo linaseemne, keswa ja willa ära. Tema joosk mulle wasta, üts walge asi oli tal käe, wist kiwi. Tema palleb kogokonna kohut, Johan Kadak naist Anne sõimamise eest säduslikult trahwida, kuna tema midagi ei olewat warastanu, ega Kadak naine teda kunagi warguse päält kinni wõtnu.

Johan Nagel ütleb henda kuulnu olewat, kui Hans Pedak oli hendale Kiidi Peetri poolt keswi tonu, sis om Johan Kadak naine Ann üttelnu: Ma sino kuradi pä lahki lö, kos sa mo rõiwa panni? Kui sa oma kraami perra tuled, olgo sis ka kohtomees ütten, sis ma sino pä lahki lö.

Matli Härg ütleb henda Soe kõrtsi man kartohwlit tulnu pandmast nink üle nurme kodo poole lännu, sis oli Joh. Kadak naine Ann ütelnu: Sa waras, kos sa mo kraami wiid, pane maha! Mina heiti ära ja mõtli, et se mulle ütteldi, sest mul oli rättiga kartohwli sällan. Perast näije ma, et Hans Pedak sääl oli. - Mina es kõnele sääl muud midagi. -

Johan Kadak naine tuli kohto kutsmise pääle ette ja andse wastusses, et tema olewat Pedakule üttelnu: To mo 4 m. keswa, linaseemne ja rõiwa ära. Hans Pedak pääd ei ole mina kunagi lubanu lahki lüwwa.

Otsus:

Joh. Kadak naine Ann palleb andis ja lepsiwa henda kesken ära.

Pääkohtomees: J. Kroon [allkiri]

Kohtomees: J. Pruwli [allkiri]

         "            J. Meister [allkiri]

Kirjutaja: J. Treu