Tulli ette Hendrik Tuul Sootlast, ja kaibas et kui tema tüttar minewa aasta Mäe Musti moisan teeninu, sis Gustas Michelson temaga ütte elanu nink temale latse muretsenu, kos mino tüttar Ann küll latse wootele hinge heitis ent siiski lats järgi jäi, kelle kaswatamises mina Kusta Michelsoni käest abi raha kohto teel tahan nõuda, selle et se awalik om nink mino tüttar Ann oma surma tunnil kos keaki sis enamb ei wõlsi, ehk üttegi toise pääle ei sa ütlema, kes mitte süüdi ei ole, wälja ütles, et Gustas Michelson temale se latse muretseia om olnu.

Andis tunnistajas naine  Tamm ja Ann Wokk Sootla moisast.

Jääb poolele nink saab G. Michelson, ja tunnistaja tõises Kohto päewas ette tallitedus.

Pääkohtumees   J. Rocht

Kohtomees    J  Wõso

abi       "       J Uibo

Kirjotaja as. R. Grünberg [allkiri]