Tulli ette Katarina Dulder Wöörmünder tema mees Peter Dulder ja kaibas, sel 15 Oktobril s.a. tulli Paul Akkel kõrtsi, nink nõudis 2 puudelit Õlot, kelle eest mina tema käest raha nõudsin, kos Õlo joba ka laua pääle oli pantu, ja et tema raha es massa pandsin mina Õlle jälle tagasi, ni tegi tema mittond korda, sis käskis pudelit lahti wõtta keda mina ka tegin, ent kui jälle raha nõudsin ütles tema minole sina pista oma Õlo; Oma perse mulku, ja sis nakas rusikuga laua pääle pessma ni et klaasi oles katski länno. Selle lärmi pääle kos laade õdang ja ka woerit tee käigil kõrtsin. Oli teda Paul Akkelit wäärt wälja ajada ede kõrtsi, kui sis kauba kambre uks sai riiwi pantus nakkas P. Akkel ukse pääle põrutama, ja tahtse ust maha murda sisse tükimise läbi, kui ust saanu lahti woetus, tulnu Paul Akkel jälle tolle sama soimamisega kauba kambre, ja sääl ni sugust kära tenno et kauba müümist selle läbi om takkistanu. 

Palun süüdlaist trahwi ala tõmmata. 

Andis tunnistajas Walla wöörmünder Jaan Lepäson Kristjan Piir ja David Lukkatz. 

Sai ette kutsotus tunnistaja Kristjan Piir, kes kiik ütles õige olewat niida kui kaibatu om.

Sai ette kutsotus tunnistaja David Lukkatz kes ka niida ütles oige olewat ent peramaist sisse tükmist ei olewa nänno.

Sai Paul Akkel ette kutsotus ja temal kaibus ja tunnistajade tunnistus ette loetus kes selle pääle wälja ütles, et tema tol kõrral obis purjun om olnu, nink kedägi ei mäleta. 

Otsus.

Kohus mõistis, et Paul Akkel ni sugust kära om tenno tunnistose perra, sis saab tema 48 tunni aja pääle wangistamisega trahwitos. 

Sai Kohto mõistmine ja § §  773-774 ette loetus ent Paul Akkel es ole rahul palus Protokolli mes temal es lubata anda. 

Pääkohtomees  J. Rocht

Kohtomees  M Wõso

"         J Mandli   

Kirjotaja as. R. Grünberg [allkiri}