Poleli jänu Protokolli nr 72 manno.

Laswa Kogokonna Kohus, sel 5 Augustil 1875.

Peter Nirk ette tulnu küssitu, ütel et temma sest midagi kuulnu es olle, kui Jakob Laiw Andre Kütti wallale tennu, ehk nemma kül esi sõnno waheldanu ja Andre Kütti ö wargas sõimanu, et ta ö hulkjit appi kinni wõtma es tulle.

Jakob Laiw and sellepäle wastust neid sõnno kül ütelnu ollewat, et Andre Kütt sänne samma ö warras ollew kui nesamma.

Sellepäle es ütle kohtuskäija ennamb middagi ütlemist ollewat, sis

Mõisteti

et Jakob Laiw peap Andre Kütti  ärra tenitu aja eest 8 Rbl. 42 kop wälja masma, ehk kui Andre Kütt tahab tenima minna sis jääp temma palgast 3 Rbl. 37 kop maha.

Se kohtu otsus saije kohtun kõigile kulutatus nink Tall.rahv.sead.ramat. 1860 aast. §§773, 774 perra ärra selletatus nink §881 perra opus leht wälja antus.

Pääkohtumees Jaan Liiw xxx

kohtumees Jakob Pirisild xxx

"           "       Peter Truup xxx

Kirjitj.: J.Kirrop