Johan Kurwitz Wanna Koijolast ja Jannik Mattis sen Põlwa köstre mant kaibasiwa, neil ollew lühhit aiga pääle wastset aastat iggal üttel ommast kuhjast üts koorm heinu, warrastetu arwata 30-40 punda koorma pääle ja ollew nemma wargit jälgi möda Karrilatz i küllast kätte sanu. Kohtomees Johan Weiko om neide otsjidega ütten olnu ja omma ne haina, selle koddapoliko Christian Tilse  majast leitu. Ni kui nähtu, om temma neid haino selle soldati Peter Westbergiga toman käinu, kost?  Selle perrast saiwa nemma ülle kulatus. Peter Westbwrg tulli ette ja tunnist: nemma ollew neid haino Ahja karja küllast ostnu. Kelle käest, sedda temma ei tedwat, ei ka kes se perremees ollew, muud, kui et se tallo just kõrsi läwe een, hääd kät suure te weren. Sai weel küstus: Kuida wisi ne haina saiwa, kas ostmissel, ehk muul wisil? Tunnistas: temma ei tedwat, sest temma, Peter Westberg ei ollew suggugi man olnu, kui haina pääle omma säetu;  wimati ütles ommeti, et Christian ollew ostnu. Christian Tilse kutsuti ette ja panti temmal nesamma küssimisse ette. Temma tunnist: se haine ollew temma kül Ajast tonu, kos kottal se tallo? Kesk külla kurra käe pool te werest. Kas soldat awitas pääle sada? Awitas kül, anni kätte ja ma säädse päle. Ka ostsit neid haino? Ei wanna wõlla eest sain. Kui nüüd ne ja weel mõnne mu tunnistusset, mes ne kats kaibatud ansid suggugi ütte ei sünni, päle to haina promi, kohtomehhe Johan Weiko man ollemisse man ütte suggutse leiti ollema ja weel Johan Weiko protokolli andis, et kui haina Chrisiani pool leitu, sis om temma tunnistus, et temma omma naisega neid kigilt poolt zirpiga ja wikkatiga põimnu, sis om nemma Koorweren üttelnu, et wenne maalt omma hainu tonu ja wimati, et ikka selgemat tunnistust saas, sai soldatil, P. Westberg käsk antus, neide kaibajid sinna wija, kost nemma neid haino ostnu ütlewa ollema, agga Peter Westberg ei lähha mingi hinna eet, ja ka Christian arwas, et temma kül ennam ei oskawat sinnä minnä. Et nüüd est kigest selge täht om, et nemma neid haino warrastenu omma, ehk kige wähham, neid mitte Ahjalt ei olle tonu, sis sai moistetus. Christian Tilse, kui awalik warras wastotab neide katte koorma haino ja taggaotsjide kullu ja waiwa eest kige omma warrandussega, ni kauge, kui ta ärra massab ja sai kik se wäärt 10 rub. õbbe mõistetus, ja näddal aiga antus, sedda massa. Ja saab 20 löki witsuga.