Perremees Andre Omri tõst omma sullase Michel Nahksepa päle kaibust, et sesamma ollew minnewa talwe wori päle käwwen temma hubose arrä pesnu, kelle ülle soldat Jaan Kilp tunnistada woiwat nink nõwwap selle tassomises 3 Rbl. hõbb.

Michel Nahksep ette kutsutu küsitu ütleb, et temmal wori pääl käwwen hobbese toit ärrä lõpnu, sis tüisest maha jaan nink hobene kogonisti arrä wäsinu, et tedda iks  siski ajama piddi et koddo saas, ja mitte ilma asjanda ehk rängaste lönu ei olle.

Jaan Kilp küsitu tunnist, et Michel Nahksep temmale seda hobese väsimist kõnnelnu, ja ütelnu ka tedda mõnni kord löwat, et ta muido sugugi ennamb es lää.

Selle päle es ütle kuhtunkäija ennamb midagi ütlemist ollewat, sis 

Mõisteti

et Andre Olmril selle ülle ütteki selget tunnistust es olle, et Miihel Nahksepp temma hobbese ilmaasjanda arrä pesnu, sis es voi ka selle ülle midagi mõista.

Se kohtu otsus saije kohtun kõigile kulutetus nink tallorahwa säduse ramatust 1860 aastast §§773,774 perra arrä selletatus nink §881 perra opus leht wälja antus.

Pääkohtumees Jaan Liiw xxx

kohtumees Jakob Pirisild xxx

kohtumees Peter Truup xxx