Andre Omri kaewas omma sullase Michel Nahkseppa päle, et sesamma temma hobbesePernon käwwen te wori pääl rängasta ärra lönu, nida et sesamma sellest haiges ollew jänu, ja nõwwap selle eest 3 Rbl. kahjo tasomist.

Michel Nahksepp saije selle päle küsitus ütel et temmal kik hobese toit olnu lõpnu, ja sesamma ennamb suggugi tulla es jowwa sis sanu kül temmale mõnni kõrd lödus, ent mitte melega tettus.

Andre Omri pallel Jaan Kilpi sisse kutsu kes sellest asjast teedwat.

Jaan Kilp küsitu es ütle sest middagi teedwat, sest temma sugugi ütten wori pääl es olle olnu, ent Andre Omri ollew temmale esi ütelnu, et hobene olnu toidu puduse perrast ärra wäsinu, et muido ennamb sugugi es olle lännu, kui piddänu löma.

Sellepäle es ütle kohtunkäüja ennamb midagi ütlemist ollewat, sis

Mõisteti

et selle asja man mänastki tunnistust es olle, et Michel Nahksep sedda hobest ilma nimeta lönu, sis es woi ka selle ülle midagi mõista.

Se kohtu otsus saije kohtun kõigile kulutetus nink Tal.Rahw.säd.ramt. 1860 aastast §§773,774 perra ärrä selletadus ja §881 perra opus leht wälja antus.

Pääkohtumees Jaan Liiw xxx

Kohtumees Jakob Pirisild xxx

  "         "       Peter Truup

kirjutaja SKirrop