Peter Toom annap kog.kon. Kohtule ülles, et temma lainanut 7 aasta est Johan Juggaril 39 Rub. 50 Kop. ja minewa süggisse 10 Rubla hbd., üllepäh 49 Rubla 50 Kop. hbd. Nuit om agga Johan Juggar ärra koolu ja temma naine Marri Juggar om kiik se warrandus pärrandanut. Peter Toom nowwap selle Johan Juggari lässa Marri Juggari kaest se wõlg rahha kätte.

Marri Juggar wastutap Michel Klaussi eestkostmisen, et temma neist 39 Rubla 50 Koppikast, keddagi ei tija, agga neit 10 Rubla woip kül olla et temma mees saanut Peter Toomi käest, andmist ei olle temma agga mitte näint. Peter Toom wotnut minnewa kewwade endale:

1, üts eige wastne rawwutut wak, 2, üts wastne werrew wärwitu look ja üks wärwitu werrew kapp.

Peter Toom üttlep, et tema sanut kül neit asju oodusse est Johan Juggari käest.

Otsus: Koggokonna kohhus lähhap se Johan Juggari perra jäänut warandus ülle kaima nink saab ka todda looka, wakka ja kappi ülle kaima. Peter Toom piap selgest teggema et temma 49 Rubla 50 Kop. Johan Juggaril lainanut.

Peakohtomees: Johan Hansen XXX

Kohtomees: Ado Ottas XXX

Kohtomees: Jakob Jansen XXX