Johan Zährens kaibap, et temma tüttar piddanut saama karjusse palka Joahim Rosenthali käest 2 wak rükki ja 2 wak keswi, ei olle agga temma rohkemb kui 1 wak rükki ja 1 wak keswi kätte saanud. Suwwiste puhhast sadik nakkanut tüttat karjan käima ja Märt Matra kuulnut ka todda palka lubbamist. Johan Sährens pallub enda tüttre palk Rosenthali käest kätte.

Joahim Rosenthal wastutap, et temmal läint wanna karjus 4 näddalit een Jaanipäiwa ärra, tolle palk olnud suwwe eest 2 wak rükki ja 2 wak keswi. Johan Zährensi tüttar tulnut assemel ja lubbanut poole hinna eest teenida. Märt Matrat ei lubba temma tunnistajaks wotta, siis Märt Mattra ollewat temma wihhamees.

Koggokonna Kohhus arwap ka et Märt Matra om Joahim Rosenthali wihhamees, siis Märt Mattra om mittu körda Joahim Rosenthali ülle koggokonna kohto kaibanud.

Moistus: Koggokonna Kohhus arwap tolle aja eest mist Johan Zährensi tüttar teeninut Rosenthalit 1 wak Rükki ja 2 wak keswi palk. Siis piap Rosenthal se 1 wak Keswi mis temmale tolle palka perra weel tulles massa warsti Zährensil ärra massma.

Pääkohtomees: Johan Hansen XXX

Kohtomees Ado Ottas XXX

Kohtomees: Jakob Jansen XXX

Moistus sai kuulutut nink suuremba kohtokäimisse õppetusse kirri wälja andtu.