Perremees Michel Tennok kaibap et temma sullane ollewat weiga sönna kuulmatta, ähhwartawat ikka hirmsaste maja pallama panna nink hulkuwat igga öösi ümbre; Kui temma keelasi hulkumist siis nakkawat pois hirmsaste wasto söimama. Perremees Michel Tennok pallub, et koggokonna kohhus se sullase Peter Post tolle eest trahwis.

Peter Post wastutap tolle kaibusse pääl, et temma ei olle kunnagi wastopannelik olnut, ei olle kunnagi ähwardanut maja pallama panna nink söimanut ei ollewat temma ka kunnagi perremehhe, agga munnikord läint temma kül pühhapäiwal, ilma et ta olles perremehhe käest lubba küssinut, köndima, nisammoti ärripaiwal öösi ka.

Michel Leppik tul ette ja tunnist, et se sullane Peter Post pannewat igga perremehhe käskule wasto nink hulkuwat pia aigu igga öösi ümbre, pühhapäiwal ei ollewat Peter Post kunnagi koddu.

Krööt Ahja tul ette ja tunnist, et se sullane Peter Post hulkuwat kiik se süggise igga öö ümbre, söimanut ja ähwartanut perremehhe hirmsaste.

Moistus: Peter Post saab hulkumisse ähwartamisse ja söimamisse eest 25 Witza löökiga trahwitud.

Pääkohtomees: Johan Hansen XXX

Kohtomees Ado Ottas XXX

Kohtomees: Jakob Jansen XXX

Moistus sai kuulutud nink suuremba kohtokäimisse õppetusse kiri wälja antdu.