Moisawalitsus kaibap, et orjaja kandimehhe, Widrik Leht, Johan Wahhi, Jaan Janus, Märt Mats, Jürri Sirg ja Jaan Kessa ommawa weiga wastopanelisse rehhepessmisse man, nimmelt ei tahtwad üllewannimmitud kandimehhi pääle rehhe pessmist, pikki õlgi rehhe mant karja aja pääle weddata, moisawalitsus nowwap et wastopanneja saas tolle eest trahwitus.

Üllewannimmitud orjaja kandimehhi tulliwat ette nink wastutasiwat, et neil ei olle ännamb woimalik tol samal päiwal, kui neil rehhi jubba mahhamahhapestu pikki õlgi hulk maad rehhe mant karja aja pääl weddada, nemma ommawa jubba tost rehhe pessmisest aige ja wässinud, ja päälegi ei tahha moisawalitsus neil keddagi tolle töö eest tassuda.

Moistus: Tallorahwa töösäädusse §176 perra ei tohhi teolist määratselgi ajastaja ajal pikkembalt kui 12 tundi öö ja päiwa jaos kokku arwatu, tööl piddata, Kui temma omma töö lühemba aja sissen walmis tegge, kui se tarbis §171 säetu om, siis ei tohhi tedda selsamal päiwal määratsegi muu töö mannu suudi.

Sääduse ramat §171, pct 2 ei kässe agga mitte rehhepesjatel, sel sammal päiwal, pikki õlgi pääle rehhe pessmist mittu sadda sammu rehhe mant karja aja pääle wia, tollepärrast arwap koggokonna kohhus, et moisawalitsussel õigust ei olle todda õlgi weddamist, sel sammal päiwal, pääle rehhe pessmist, orjaja kandimeeste käest nauda.

Pääkohtomees: Johan Hansen XXX

Kohtomees: Jakob Jansen XXX

Kohtomees  Ado Ottas XXX

Moistus sai kuulutud nink suuremba kohtokäimisse õppetusse kirri wälja andtu.