Tul ette se Wanna Kuste naine Ewa Kord enda poja Jürri Keraku eestkostmisen nink kaibap, et se Haslawa perremees Jaan Soo sõitnut kirriku tee pääl nenda rängaste, et temmal ei olle ännamb woimalik olnut tee päält ärra karrada. Jaan Soo sõitnut tedda mahha hobbesse all nenda, et temma weiga palju aiget tost saanud nink enda terwist ärra rikkunud. Ewa Kord nowwap tollepärrast wallu ja rohhu rahha 15 rubla Jaan Sooi käest.

Jaan Soo wastutap tolle kaibusse pääl, et temma om õige illuste, naggo eggaüts innimenne sõitnud, Ewa Kord tulnud wasto, temma tännitanud kül, Ewa Kord ei olle agga todda kuulnud, ent kesktee pääl saisma jäänud; siis putnud temma wehmre Ewa Kordil nattike külge ja tollepäl kukkunud temma mahha. Hobbest ei olle tammal woimalik olnut tolle kitza tee pääl körwale kända.

Moistus: Ewa Kord om essi süüdi tolle man olnud, siis Jaan Soo ei olle temmal mitte taggast pääl tulnud ja Ewa Kord wois jubba aiksaste teeweren minna ja mitte kitza tee pääl saisma jääda. Ewa Kord ei woi ka sellepärrast keddagi nauda nink piap rahhule jääma.

Pääkohtomees Johan Hansen XXX

Kohtomees Ado Ottas XXX

Abbi-Kohtomees Jaan Wirro XXX

Moistus sai kuulutud nink suuremba kohtokäimisse öppetusse kirri wälja andtu.