Se Kagwerre moisa maade rentnik Johann Semmel tul ette ja andis kog. kohtole ülles, et temma saatnut enda poissi Peets Semmelit 10 2/3 wak rükkiga weskile nuit pantnut se Haslawa mölder Ado Riek 3 wak rükki tost wiljast, et kül temma ei tiadwat Ado Riekil wõlgo keddagi ollewat. Johann Semmel nowwap enda 3 wak rükki warsti kätte.

Mölder Ado Riek wastutao, et temma ei olle keddagi Johann Semmeli käest pantnut, temma pantnut Peets Semmeli käest 3 wak rükki, siis Peets Semmel om Jürri Tenni rüast 1 wak ärra warastanut ja enda rüate sekka jahwatanut. 10 wak om Peets Semmel weskile toonut agga 11 wak tahtnut ärra wia. Se Jürri Tenn tühhi kott om Peets Semmeli käest kätte sadu. Mölder A. R. nowwap tolle ütte wakka assemel 2 wakka. Jürri Luhha, Jürri Tenn ja Jaan Wendt woiwat ka tost warastamisest tunnistada.

Peets Semmel tul ette ja üttel, et temma ei ollewat keddagi warastanut, temma toonut koddust 10 2/3 wak rükki ja todda tahtnut temma ka jälle ärra wia ja mitte nago möldre ütlep. Jaan Woitk ja Johan Kiss Wannast-Kuustest woiwat ka tunnistada, et temma 10 2/3 täwwelikku wakka rükki koddust ütten saanud. Üllepäh olnut temmal 5 Kothi, kolme kothi seen olnut temmal igga ütte seen 3 wakka, ütte kotti seen 1 w. ja 1 seen 2/3 wak rükki.

Otsus: Jürri Luhha, Jürri Tenn, Jaan Wendt Haslawast ja Jaan Woitk, nink Johan Kiss Wannast Kuustest saawad koggokonna kohto ette tallitedus.

Pääkohtomees Jaan Purrik XXX

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX