Se mõtsawaht Jaan Klaussen kaibap et se karjus Johan Saggara käsknut karjapoisse kiik se karri railme pääl ajata, üllepääh olnuwat 23 suuret ellajat, ütte lehma wotnut temma kinni. Mõtsawaht Jaan Klaussen nowwap igga ütte ellaja päält 1 rubla hõbd. trahwi.

Johann Saggara wastutap tolle kaibusse pääl, et mitte üks lehm ei olle railme pääl olnut. Ütte lehma wotnut kül se mõtsawaht kinni agga mitte railme päält, enge külla karjamaa päält.

Moistus: Se mõtsawaht Jaan Klaussen ei woi selgest tehha, et kiik Kokkekülla karri railme pääl olnut, ei olles ka rohkemb kui ütte lehma kinni wotnut nink ei woi temma sellepärrast mitte rohkemb kui 1 rubla trahwi naida. Se karjus Johann Saggara ei woi jälle selgest tehha et se mõtsawaht Jaan Klaussen sedda ütte lehma külla karja maa päält kinni wotnut nink piap temma sellepärrast 1 rubla pandirahha 14 päiwa seen ärra masma.

Pääkohtomees Jaan Purrik XXX

Kohtomees Jaan Wirro XXX

Kohtomees Jürri Luhha XXX

Moistus sai kuulutud nink suuremba kohtokäimisse õppetusse kirri wälja andtu.