Prottokolli päält sest 7. Juni k.p. s.a. No 128 tulli ette Michel Taar ja tunnist, et mitte rohkemb kui 2 körd püüdnuwat nemma Jürripäiwast seni kui 7ni Junini kalla. Rentniku ei ollewat nemma mitte, agga nemma ollewat abbilisse sel Jaan Taaril püüdmisse man, kalla wiinuwat iggakörd kui nemma püüdnuwat, moisahe, herra ei olle agga wasto wotnut.

Jaan Labber tunnist et temma ei olle mitte rentnik, agga temma lähhäp ütte kokku püüdma selle Jaan Tariga, ja mitte enne kui nuit süggisse.

Widrik Jakobi tunnist et Jaan Labber, Michel Taar ja Jaan Taar püüdnuwat kül Weibre piirist kalla.

Tulli ette Wassulast Jürri Vogel ja üttel, et temma ei ollewat mitte loomusse rentja, temma muud kui püüdnut selle Jaan Taariga ütte kokku.

Moistus: Se Weibre mõisa rentja Heinrichson ei woi selgest tehha, et se Jaan Taar enda loommusse jälle töistele wälja rentnut nink ei woi ka selgest tehha et Jaan Taar jubba Jürripäiwast saadik kallat püüdnut, ent ei woi temma sellepärrast selle Jaan Taari kondrahti tühjaks moistmist nauda. Jaan Taar piap agga enda kondrahti täutma.

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX

Moistus sai kuulutud nink suuremba kohtokäimisse õppetusse kirri wälja andtu.