Ette tulli Jakob Mõttus, nink kaibas, et Jüri Raba om lasknu oma lehmaga mino heinamaa keik enambast ära sööta, nink sõkko, ja wõtsin mina tema Jüri Raba poja Karli oma heinamaa päält kinni kos tema poig heina poimis, nink lehm ka niidon olli nink poimab weel mes lehma söömisest üle om jäänu.  Wõtsin kotti nink tsirbi käest ära, lasin kahjo Wallawanemba poolt üle kaija.

Nõudis et om 10 päiwa pera kaemise läbi ära wiitnu nink heinamaa ka om ära söödet nink poimet  10 kümme Rubla kahjotasomist Jüri Raba käest.

Wallawanemb Samoel Raig tunnistas, kes kahju om üle kaenu, et heinamaa om küll, niida kui kaibatu ära lehmast söödu ja sõkkutu, nink ütelt kohalt wärskist poimetu, wana poimise kohasit oli sääl paljogi, 

Sai ette kutsotus Jüri Raba ja temal kaibus ja nõudmine ette loetus, kes selle pääle ütles, Jakob Mõttus om mino poiga siis kui tema sääl niidon olli olnu, kats kõrda pähä löönu, kui tema joba ise ära trahwnu om mes siis weel saada tahab, ja oli se käimine wast se edimäne, nink ei ole se kahjo mitte keik mino lehmast tehto enge woib sääl paljogi toisi käinu olewat, heina poimjit om paljogi, ja kui tema 10 Rbl nouab, siis jägo se hainamaa minole. 

Otsus: 

Kohus moistis, et Jüri Raba massab Jakob Mõttus´el 3 /kolm/ rubla kahjotasomist, se om üle lehma ja tsirbiga poimise, nink ei tohi edes päidi oma lehmaga kahjo tetta laske, kui se peas weel ette tulema et nimelt teiste niito oma lehma saadab, sis saab parembast trahwitus

Sai Kohto Mõistmine §§ 773 - 774 jargi kohton kaiadelle ette loetus, ent Jakob Mõttus es ole rahul palus Protokolli mes kohus es luba anda.

Kohtomees  M. Wõsu

     "          J. Mandli

abi   "          J. Uibo 

Kirjotaja as. R. Grünberg [allkiri]