Moisawalitsusse nimmel kaibas Alexander Muddanik, et ne kandimehhe Widrik Leht, Michel Woore ja Jakob Thul ommawa weiga palju tööpäiwi moisale weel wõlgo ja kui moisa neid tarwitap, piawa kiik kolm weiga wastopannema ja ei saadawat mitte wälja. Moisawallitsus pallub et koggokonna kohhus neid selle wastopannemisse est trahwis.

Widrik Leht, Michel Woore ja Jakob Thul wastutawa, et neil ollewat kül munni päiw moisale wõlgo jäänut, nemma lubbawa agga wiimane kui üts töö päiw moisale ärra tehha. Se körd ei olle neil woimalik olnut wälja saata, neil om rehhi üllewan olnut. Nemma palluwa, et moisa ja kohhus neil se körd andis annas.

Moistus: Widrik Leht, Michel Woore ja Jakob Thul ommawa wastopannelikku olnuwat nink saawat nemma tolle wastopannemisse eest kiik kolmekes 24 tunnist leiwa ja wee pääl kinni pantu. Kui nemma eddespiddi jälle saawat wastopannelikku ollema, saawat nemma ihhu karristus.

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX

Moistus sai kuulutud nink suuremba kohtokäimisse õppetusse kirri wälja andtu.

Üllewannimmitud kandimehhi pallelsiwat et kohhus neid tämba weel prii jättas, siis neil ollewat hobbeset ütten ja neid ka piawa kodu wiima.

Kellepääl neil sai ütteldum et nemma piawa poolpäiw õddaku kiik kolmekest moisa pääl tullema nink saab neid siis kinni pandtus.

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX