Jaan Märten kaibap, et se Johan Labber ei tahtwat temmale 1 wak wõlg kaarat ärra massa. Jaan Märten nowwap neid kaarat nuit warsti kätte saada.

Johan Labber wastutap et temma om kül wõlgo 1 wak kaarat Jaan Märtenil. Jaan Märten käsknut temmale moisa kaest hainamaa wotta ütten tehha nink lubbanut tulla appi hainamaa tehha, tollepääl wotnut siis temma endale ja Jaan Märtinil moisa käest hainamaad, Jaan Märten ei olle agga ännamb tulnut hainat niitma ehk teggema, moisa om agga ikka täwwelik enda jaggu hainat ärra wotnut nink temma jäänut siis eige ilma hainata, siis temma ei olle ütsinda jaudnut enda ja Jaan Märteni tük mahha niita. Tolle läbbi saanut temma siis weiga suurt kahju nink ei tahha temma sedda kaara wakka Jaan Märtenil ännamb ärra massa.

Jaan Märten üttel tolle pääl, et temma ei olle mitte käsknut endale hainamaas moisa käest küssita.

Moistus: Johann Labber piap warsti 1 wak kaarat Jaan Märtenil ärra massa siis temma ei woi selgest tehha, et Jaan Märten temmale käsknut moisa käest endale kah hainamaad kokku tehha, pallelda.

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX

Moistus sai kuulutud nink suuremba kohtokäimisse õppetusse kirja wälja andtu.