Prottokolli päält s.s. 18 Oktobri k.p. s.a. No 231 tulli ette se wannutud mõtsawaht Jaak Reimann ja tunnist, et temma tulnut pääle tapmist mannu ja üttelnut Johan Saggarale, et se pull om wistis warrastedu, siis se nahk ja lihha om tolle weikse hinna eest weiga illus, kellepääl Johan Saggara pulli lihha sial paika unniku jätnut nink wiinut nahha ärra. Kos Johan Saggara nahka pandnut, ei tia temma. Nahhale ei olle ännamb sarwet külge olnut. Se nahk olnut walge ja werrew kirjo.

Johan Kister tulli ette ja tunnist et enne walget olnut Johan Saggara koddu nink lasknut warsti pulli tappa ja jätnut se lihha kiik sial samma unnikus nink wiinut nahha warsti ärra ja löönut sarwe nink anna katski. Se olnut üts weiga illus noor pull, eddimetse jalla olnuwat põlwest sadik walge muidu olnut se pull walge ja werrew kirju.

Jakob Kister ja Sohwi Kister tulliwat ette ja tunnistasiwat nendasamoti.

Otsus: Jaan Labber ja Märt Labber saawad koggokonna kohto ette tallitedus.

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX