Se sullane Johan Purrik andis koggokonna kohtole ülles, et temmal olnut sada Jaan Michelsoni kaest üts piip. Michklipäiwal läinut temma sedda piipu Jaan Michelsoni kaest otsma. Jaan Taschkin olnut kah ütten. Nuit ei olle agga se Jaan Michelson õddagu piipu kätte andnut ja temma olnut nattike joobnu nink jäänut sial Sissaski majan küünin maggama. Kui temma hommiko ülles tulnut, olnuwat saabit, wöö, kaala rätt ja 29 rubla 60 kop. hõbd. rahha temma käest ärra riisutud. Temma Johan Purrik arwap, et se Jaan Michelson om neid üllewannimmitud asjad temma kaest riisunut nink nowwap neid kätte saada.
Jaan Michelson wastutap selle kaibusse pääl: se Johan Purrik tulnut kül Michklip. õddangu temma man, agga mitte piibu perra, piip olnut temma käen ütte rubla wõlla eest, enge naudnut temma käest tüttrikut ja tahtnud tüttrikude man maggama minna. Temmal ei olle agga aigu olnut nink ei olle kah tahtnut Johan Purrikuga rohkemb könnelda nink läinut ärra, Johan Purrik jäänut saisma usse man agga kos se Joh. Purrik sialt usse mant läinut, ei tia temma. Hommiko olnut Johan Purrik küüni läwwe pääl nink pallelnut temma käest saabit. Temma lainanut Joh. Purrikul, siis enda saabit ja piddanut se Joh. Purrik neid saabit jubba minnewast poolpäiwast temmale taggasi tooma, ehk 3 rubla massma, ei olle agga seenimani toonut, nink nowwap temma nuit 3 rubla Johan Purriku käest.
Johan Purrik üttel, et temma ei olle piipu wõlla eest Jaan Michelsonil pantiks andnut, ei ollewat temma tüttrikut kah mitte Jaan Michelsoni käest naudnut. Sabit lubbap temma Jaan Michelsonil taggasi andma.
Jaan Taschkin tulli ette ja tunnist, et temma sõitnut koddu ja tulnut kõrzi mant se Johan Purrik temmaga ütten seeni kui Adla küllan, sial jänut Sisaski maja man Johan Purrik temmast mahha ja tulnut se Jaan Michelson wälja nink nakkanut Johan Purrikuga könnelema. Kos se Johan Purrik pärrast jänut, ei tia temma. temma sõitnut warsti eddessi. Johan Purrik olnut nattike joobnu.
Ann Ots tunnist et se Johan Purrik jänut Labbi wärja man õddaku seisma temma sõitnut Jaan Taschkeniga eddassi, hommiko tulnut temma koddu siis istunut Johan Purrik palju jalgu Sissaski küüni
usse pääl nink pallelnut Jaan Michelsoni käest endale saabit koddu minna.
Jaan Grünthal tunnist: Õddaku ei olle temma mitte sedda Johan Purrikut sial Sisaski majan näinut, agga hommiko om se Johan Purrik kül küüni usse pääl palju jalgu olnut nink pallelnut Jaan Michelsoni käest endale saabit. Lubbanut agga minnewa poolpäiwis jubba saabit taggasi tuwwa ehk 3 rubla massa, ei olle agga weel seeni mani toonut.
Körzimees Johan Luhha tunnist: Kui Johan Purrik ladele läinut, siis olnut temmale kül rahha, agga kas temmal siis kui temma laadast taggasi tulnut kah rahha olnut, ei woi temma üttelda.
Moistus: Johan Purrik ei woi selgest tehha et Jaan Michelson temma kaest saabit, wöö, kaalarätt ja rahha ärra riisunut ei woi ka keddagi sellepärrast Jaan Michelsoni käest nauda, enge piap rahhule jääma nink Jaan Michelsonil sabit taggasi andma.
Pääkohtomees Johan Toom XXX
Kohtomees Jaan Wirro XXX
Kohtomees Jürri Luhha XXX
Kohtomees Jürri Kärn XXX
Moistus sai kuulutud nink suuremba kohtokäimisse õppetusse kirri wälja andtu.
Se sullane Johan Purrik andis koggokonna kohtole ülles, et temmal olnut sada Jaan Michelsoni kaest üts piip. Michklipäiwal läinut temma sedda piipu Jaan Michelsoni kaest otsma. Jaan Taschkin olnut kah ütten. Nuit ei olle agga se Jaan Michelson õddagu piipu kätte andnut ja temma olnut nattike joobnu nink jäänut sial Sissaski majan küünin maggama. Kui temma hommiko ülles tulnut, olnuwat saabit, wöö, kaala rätt ja 29 rubla 60 kop. hõbd. rahha temma käest ärra riisutud. Temma Johan Purrik arwap, et se Jaan Michelson om neid üllewannimmitud asjad temma kaest riisunut nink nowwap neid kätte saada.
Jaan Michelson wastutap selle kaibusse pääl: se Johan Purrik tulnut kül Michklip. õddangu temma man, agga mitte piibu perra, piip olnut temma käen ütte rubla wõlla eest, enge naudnut temma käest tüttrikut ja tahtnud tüttrikude man maggama minna. Temmal ei olle agga aigu olnut nink ei olle kah tahtnut Johan Purrikuga rohkemb könnelda nink läinut ärra, Johan Purrik jäänut saisma usse man agga kos se Joh. Purrik sialt usse mant läinut, ei tia temma. Hommiko olnut Johan Purrik küüni läwwe pääl nink pallelnut temma käest saabit. Temma lainanut Joh. Purrikul, siis enda saabit ja piddanut se Joh. Purrik neid saabit jubba minnewast poolpäiwast temmale taggasi tooma, ehk 3 rubla massma, ei olle agga seenimani toonut, nink nowwap temma nuit 3 rubla Johan Purriku käest.
Johan Purrik üttel, et temma ei olle piipu wõlla eest Jaan Michelsonil pantiks andnut, ei ollewat temma tüttrikut kah mitte Jaan Michelsoni käest naudnut. Sabit lubbap temma Jaan Michelsonil taggasi andma.
Jaan Taschkin tulli ette ja tunnist, et temma sõitnut koddu ja tulnut kõrzi mant se Johan Purrik temmaga ütten seeni kui Adla küllan, sial jänut Sisaski maja man Johan Purrik temmast mahha ja tulnut se Jaan Michelson wälja nink nakkanut Johan Purrikuga könnelema. Kos se Johan Purrik pärrast jänut, ei tia temma. temma sõitnut warsti eddessi. Johan Purrik olnut nattike joobnu.
Ann Ots tunnist et se Johan Purrik jänut Labbi wärja man õddaku seisma temma sõitnut Jaan Taschkeniga eddassi, hommiko tulnut temma koddu siis istunut Johan Purrik palju jalgu Sissaski küüni
usse pääl nink pallelnut Jaan Michelsoni käest endale saabit koddu minna.
Jaan Grünthal tunnist: Õddaku ei olle temma mitte sedda Johan Purrikut sial Sisaski majan näinut, agga hommiko om se Johan Purrik kül küüni usse pääl palju jalgu olnut nink pallelnut Jaan Michelsoni käest endale saabit. Lubbanut agga minnewa poolpäiwis jubba saabit taggasi tuwwa ehk 3 rubla massa, ei olle agga weel seeni mani toonut.
Körzimees Johan Luhha tunnist: Kui Johan Purrik ladele läinut, siis olnut temmale kül rahha, agga kas temmal siis kui temma laadast taggasi tulnut kah rahha olnut, ei woi temma üttelda.
Moistus: Johan Purrik ei woi selgest tehha et Jaan Michelson temma kaest saabit, wöö, kaalarätt ja rahha ärra riisunut ei woi ka keddagi sellepärrast Jaan Michelsoni käest nauda, enge piap rahhule jääma nink Jaan Michelsonil sabit taggasi andma.
Pääkohtomees Johan Toom XXX
Kohtomees Jaan Wirro XXX
Kohtomees Jürri Luhha XXX
Kohtomees Jürri Kärn XXX
Moistus sai kuulutud nink suuremba kohtokäimisse õppetusse kirri wälja andtu.
