Tämbatsel päiwal sai selle Michel Tennoki kaebdusse asjun enda essa Peter Tennoki ja woeras emma Ann Tennoki wasto moisteto, selle et nemma mitte enda wahhel es tahha koggokonna kohto manitsusse pääl ärra leppi.

Moistus: Tunnistajade läbbi om Michel Tennok selgest teinut, et se Ann Tennok majan lärmi töstap ja sõimanut nink piap siis Ann Tennok sellepärrast 3 rubla trahwi walla waiste laadikus hääs sisse massma. Haina kakmisse ja koore wotmisse eest ei woi M. T. keddagi nauda.

Michel Tennok piap agga enda wannembattel rehhe tarren korter andma siis selle saunan ei woi mitte üts innimenne ellada.

Sedda teotust lehmaga ei woi Michel Tennok õigest tehha nink jääb temma essa Peter Tennok tost prii.

Kui weel üts neist pias pääle akkama kaklema, se saab siis koggokonna kohto man kangeste trahwitus. Nut piawa kiik kolmekest illuste ja rahhulikult eddassi ütte kokku ellama.

Pääkohtomees Johan Toom XXX

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX

Moistus sai kuulutud nink suuremba kohtokäimisse õppetusse kirri wälja andtu.