Ette tuli Peeter Palm ja kaibas Rõuge kerrikomõisa walitsuse nimel, et Waste Nursie mees Joh. Timmermann oli kerikomõisa mõtsan räästiko pääl üts õdango, nink oli ütte puu ladwa lõiganu, nink sai tema käest kirwes ja saag ära wõetu. Rõuge kerikomõisa walitsus nõud 3 rbl. kahjo tasumist nink wargust sääduslikult trahwida.

Johan Timmermann tuli kohto kutsmise pääle et ja es salga mitte, et tema kerikomõisa mõtsan oli olnu nink ka, et kärner ehk ker. mõisa mõtsawaht tema käest kirwe ja sae mõtsan oli ära wõtnu.

Mõistus:

Kuna Johan Timmermann kirwe ja saega mõtsast kinni sai wõetu, sis peab tema 1 rbl. kinniwõtmise raha masma ja henda edespäidi hoitma, et mitte ilma lubalda mõtsa ei lähe.

Joh. Timmermann 1 rbl. wäljamasnu.

Pääkohtomees: J. Kroon [allkiri]

Kohtomees: J. Pruwli [allkiri]

         "            J. Meister [allkiri]

Kirjutaja: J. Treu