Peter Luhha andis kog. kon. kohtole ülles, et temmal ollewat selle perremehhe Kusta Wassila kaest 10 r. 70 k. h. saada. Kusta Wassila sallawat nuit se wõlg ärra nink ei tahtwad mitte ännamb ärra massa. Jaan Janzen ja Johan Nilson kuulnuwat agga kah kui Kusta Wassila tedda pallenut, selle wõllaga kannastada. Peter Luhha nowwap se rahha warsti kätte.

Kusta Wassile wastutap, et temma ei ollewat kunnagi olnut nink ei ollewat parhilla kah keddagi sel Peter Luhhale wõlgo.

Johan Nilson tulli ette ja tunnist, et minnewa talwen selletanut se Kusta Wassila selle Peter Luhhaga enda wõlga nink olnut se Kusta Wassila rohkemb kui 10 rubla sel Peter Luhhale wõlgo ja lubbanut se wõlg pääle linna arrimist ärra massa. Kas Kusta Wassila sedda wõlga nuit om ärra tassunut, ei woi temma mitte tunnistada.

Jaan Janzen tulli ette ja tunnist nendasamoti.

Moistus: Tunnistajade läbbi om se Peter Luhha selgest teinut, et temmal om selle Kusta Wassila kaest rahha saada. Kusta Wassila ei woi agga selgest tehha, et temma se wõlg jubba Peter Luhhale om ärra massnut nink piap sellepärrast 8 päiwa seen neid 10 rub. 70 kop. P. Luhhale ärra massma.

Pääkohtomees Johan Toom XXX

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX

Moistus sai kuulutud nink suuremba kohtokäimisse õppetusse kirri wälja andtu.