Tulli ette se Jaan Roots ning andis koggokonna kohtole ülles, et temma mant warrastedu 6 ehk 7 wak kartoflit ärra. Temma pallelunut Abbi kohtomehhe Jaan Opmanni ütten ja läinut jälgi müüda wargat otsma, ning saanut sel moduga seni kui Jaan Willmsoni man. Jaan Willemson ei olle agga mitte lasknut otsi, enge tahtnut tedda looga ja kirwega ärra tappa. Siis tahtnut temma Jaan Willemsoni ree jälle ärra mõõta, ei olle Jaan Willemson sedda kah lubbanut tehha. Jaan Roots arwap sellepärrast, et Jaan Willmeson se warras om ning pallub enda kartoflit taggasi ja nowwap, et kohhus sedda warga trahwis.

Jaan Willemson wastutap selle kaibusse pääl, et temma ei ollewat mitte Jaan Rootsi kartoflit warrastanut, ei ollewat temma kah mitte otsi keelnut, ei ollewat temma tahtnut kah Jaan Rootsi ärra tappa. Jaan Rootsi sõimanut tedda agga hirmsal kombel wargast.

Abbi kohtomees Jaan Opmann tunnist, et se Jaan Willemson ei ollewat kül mitte lasknut otsi, enge tahtnut enne loogaga ja pärrast weel kirwega tappa. Jaan Post wotnut weel kirwe Jaan Willemsoni kaest ärra. Siis ei olle temma julgenut ännamb otsi. Jälgi läinuwat Jaan Willemsoni pool ja heinat mis kartoflide man mahha olnuwat, sündinuwat neide heinadega kokku mis Jaan Willemsoni man olnuwat.

Otsus: Saab prottokolli ülles pantu ning saab Jaan Post koggokonna kohto ette tallitedus.

Pääkohtomees Johan Toom XXX

Kohtomees Jaan Wirro XXX

Kohtomees Jürri Luhha XXX

Kohtomees Jürri Kärn XXX