Haslawa moisawalitsusse nimmel tulli ette A. Muddanik ning andis koggokonna kohtole ülles, et se Tenso tallo perremees Jaan Roijland, säädusse ja kondrahti wasto sel Jaan Prikkol ja Jürri Pruksil neide Tenso tallo madest mitto aastat järgimööda rendi päle om wälja andnut.

Johan Wirro woiwat sedda tunnistada. Moisawalitsus nowwap, et koggokonna kohhus sellepärrast Jaan Roijlandi kondraht tühjaks moistas.

Jaan Roijland wastutap selle moisawalitsusse kaibusse pääl, et temma ei ollewat kellegil neist Tenso tallo maadest wälja rentnut. Johan Wirrot temma tunnistajast ei wotta, siis Johan Wirro ollewat temma wihhamees.

Jaan Prikko tulli ette ja üttel, et temma ei olle kunnagi endale neist Tenso tallo madest selle perremehhe Jaan Roijlandi kaest rentnut.

Jürri Pruks tulli ette ja üttel, et temmal ollewat jubba wannast maja Tenso tallo piirin, agga maad ei ollewat temma mitte Jaan Roijlandi kaest rentnut, ei olle temma kah kunnagi Jaan Roijlandi maa pääl endale wilja mahha teinut.

Johan Wirro tulli ette ja üttel, et temma ei tia keddagi tolle maa rentimisest tunnistada.

Moistus: Moisawalitsus ei woi nauda, et koggokonna kohhus selle Jaan Roijlandi kondraht tühjaks moistas, siis Jaan Roijlandi ei olle mitte neid Tenso tallo maad wälja rentnut.

Pääkohtomees Johan Toom XXX

Kohtomees Jaan Wirro XXX

Kohtomees Jürri Luhha XXX

Moistus sai kuulutud ning suuremba kohtokäimisse õppetusse kirri wälja andtu.